महावितरणचा २१ वा वर्धापन दिन मोठया उत्सहात साजरा
लातूर, दि. ०७ जून : अनावश्यक खर्च टाळून अत्यंत साधेपणाने व मोठया उत्सहात महावितरणे २१ वा वर्धापन दिन साजरा करण्यात आला. महावितरणचे वीजग्राहक, कर्मचारी यांच्यामध्ये विद्युत अपघाता बाबत साक्षरता निर्माण व्हावी या उद्देशाने सुरक्षा रॅलीचे व आरोग्य शिबीराचे आयोजन करण्यात आले होते.
विद्युत भवनातील लघू प्रशिक्षण सभागृहात कार्यकारी अभियंता अनिरूध्द घाटगे, सहाय्यक महाव्यवस्थापक (मासं) चेतन वाघ, उपमुख्य औद्योगिक संबंध अधिकारी महेंद्र चुनारकर, उपकार्यकारी अभियंता प्रमोद दुधाळे, सहाय्यक अभियंता सुदर्शन बोळेगावे, शिलरत्न सुर्यवंशी, श्री सुळ, राहूल गाडे तसेच आरोग्य शिबीराचे आयोजक आयकॉन हॉस्पीटलचे डॉ.अजनीकर यांच्या प्रमूख उपस्थितीत पार पडलेला २१ वा वर्धापन दिन शनिवारी (दि.६ जून) उत्सहात साजरा करण्यात आला. याप्रसंगी लातूर परिमंडळाचे मुख्य अभियंता अरविंद बुलबुले यांनी उपस्थित अधिकारी, कर्मचारी व जनमित्रांना सुरक्षा शपथ देत महिनाभर साजरा होणाऱ्या विद्युत सुरक्षा जागर कर्यक्रमाची सुरवात केली. याप्रसंगी श्री बुलबुले यांनी महावितरण कंपनी अस्तित्वात आल्यापासून गेल्या वर्षभरात ऊर्जा विभाग व महावितरण प्रशासनाने केलेल्या नियोजन व विविध उपाययोजनांमुळे महावितरणने देशपातळीवरील पटकावलेल्या विविध पुरस्कारांचा दाखला देत ग्राहकाभिमूख सेवेबद्दल अधिकारी व कर्मचारी यांच्या भरीव योगदानाबद्दल कौतूक केले. मा. मुख्यमंत्री व ऊर्जामंत्री श्री देवेंद्र फडणवीस ऊर्जा विभागाच्या अपर मुख्य सचीव श्रीमती आभा शुक्ला तसेच महावितरणचे अध्यक्ष व व्यवस्थापकीय संचालक श्री लोकेश चंद्र यांच्या नेतृत्वात राज्याच्या ऊर्जा क्षेत्रात अमूलाग्र व पर्यावरणपुर्वक बदल घडवून आणत, महावितरण प्रधानमंत्री सुर्यघर मोफत वीज योजना, प्रधानमंत्री सौर कृषी वाहिनी २.० यासारख्या योजनांमध्ये देशभरात प्रशंसनीय व उल्लेखनीय कामगीरी करू शकले. हरित ऊर्जेला चालना देण्याच्या दृष्टीने सौरऊर्जेच्या योजनांमध्ये लातूर परिमंडळ दिलेले उदिष्ट आपणांसर्वांच्या सहकार्याने वेळेच्या आत नक्कीच संपादीत करेल असे विचार मुख्य अभियंता अरविंद बुलबुले यांनी व्यक्त केले.
याप्रसंगी सुरवातील वर्धापन दिनाचा केक कट करण्यात आला तसेच वीज सुरक्षे बाबत जनजागृती होण्याच्या दृष्टिने रॅली काढण्यात आली त्याचबरोबर आयकॉन हॉस्पीटल यांच्या सहकार्याने आरोग्य शिबीराचे आयोजन करून मधूमेह, रक्तदाब यासारख्या विविध चाचण्या करून मोफत औषधे वाटप करून वैद्यकीय सल्ला डॉ अजनीकर यांच्या नेतृत्वातील तज्ञ डॉक्टरांनी दिला.
वर्धापन दिनाच्या कार्यक्रमाचे प्रास्ताविक उपमुख्य औद्योगिक संबंध अधिकारी महेंद्र चुनारकर यांनी केले तर सुत्रसंचालन उपव्यवस्थापक अजीत जैन यांनी केले. कार्यक्रम यशश्वीतेसाठी अमीत नाचणे, अश्विन गायकवाड,केरले पाटील यांच्यासह परिमंडळ, मंडळव लातूर विभागातील अधिकारी, कर्मचारी व जनमित्रांनी विशेष परिश्रम घेतले.
फोटो ओळ: २१ व्या वर्धापन दिना निमित्त सुरक्षा रॅलीमध्ये सहभागी मुख्य अभियंता अरविंद बुलबुले, कार्यकारी अभियंता अनिरूध्द घाटगे व इतर अधिकारी
