संवेदना दिव्यांग आय टी आय, हरंगुळ (बु.) लातूर या संस्थेत आज दि. 22 एप्रिल 2025 रोजी Eagle Hi-Tech Industrial Corporate Pvt. Ltd., Ch.Sambhajinagar या आस्थापनेचे HR – Head श्री. सुरेश औटे यांनी संस्थेतील कोपा व्यवसायाच्या प्रशिक्षणार्थ्यांचे अप्रेंटिशिप 2024-25 साठी मुलाखत घेतली आणि 30 दिव्यांग उमेदवारांची निवड केली आहे. या उमेदवारांची वार्षिक परीक्षा माहे. ऑगस्ट – 2025 मध्ये आहे. निकालानंतर निवड झालेल्या उमेदवारांना वरील आस्थापनेत एक वर्षासाठी शिकाऊ उमेदवारी (अप्रेंटिशिप) ची संधी संस्थेने उपलब्ध करून दिली आहे. संस्थेचे हे पहिलेच वर्ष असून कोपा व्यवसाय एक वर्ष मुदतीचा आहे या व्यवसायातील सर्वच दिव्यांग प्रवेशिताना विविध ठिकाणी अप्रेंटिशिप संधी उपलब्ध करून देण्यात येत आहे.
दिव्यांग व्यक्ती आर्थिकदृष्ट्या स्वतःच्या पायावर उभा करणे जेणेकरून दिव्यांग व्यक्तीच्या कुटुंबाचे संपूर्ण पुनर्वसन होईल तसेच समाजातील वंचित व दुर्लक्षित घटक दिव्यांग व्यक्ती आहे. समाजाच्या मुख्य प्रवाहात यांना आणणे हा या संस्थेच्या मुख्य हेतु आहे. संस्था निर्मितीनंतर प्रथम वर्षातच 30 उमेदवारांना अप्रेंटिशिप संधी उपलब्ध होत असले बाबत काहीअंशी उद्देश फलश्रुती श्री. सुरेशजी औटे यांचे माध्यमातून झाल्याबद्दल डॉ.श्री. राजेश पाटील, श्री. सुरेशदादा पाटील, डॉ.श्री. योगेश निटूरकर, श्री. शामकुमार भराडिया, सर्व सन्माननीय सदस्य संस्थेचे समन्वयक श्री. विठ्ठल गाडेकर, श्री. व्यंकट लामजणे, श्री. आकाश मगर व सर्व कर्मचारी वर्गांनी त्यांना धन्यवाद दिले. या व्यवसायातील उर्वरित सर्व उमेदवारांना देखील अप्रेंटिशिपसाठी इतर उद्योगात – HAL नाशिक, डॉ. हेडगेवार हॉस्पिटल, छ.संभाजीनगर, महानगरपालिका लातूर आणि जे दिव्यांग उमेदवार लातूर शहराबाहेर जाऊ शकत नाहीत त्यांच्यासाठी स्थानिक सनदी लेखापाल (CA) नामांकित उद्योगात अप्रेंटिशिप संधी उपलब्ध करून देण्यात येणार आहे.
आजच्या कॅम्पस मुलाखतीस संस्थेतील सर्व प्रशिक्षणार्थी यांची उपस्थिती होती. कार्यक्रमाच्या यशस्वीतेसाठी श्री. विठ्ठल गाडेकर, श्री. व्यंकट लामजणे, श्री. आकाश मगर, श्री. सिद्धांत मंडाळे, श्रीमती शुभांगी रासुरे, श्री. मयुर दंडे आणि कु. रेणुका श्रीमंगले यांनी विशेष परिश्रम घेतले. संचलन आणि आभार कु. पुजा पाटील यांनी मानले.
