🌍 दिखावा काचेसारखा, मागं मात्र घानीचं साम्राज्य!जिल्हाधिकारी कार्यालयाच्या डीपीडीसी हॉलमधील पर्यावरण दिनाच्या कार्यक्रमात ‘दुर्गंधी’चा सामना!

पर्यावरण दिन… पण जिल्हाधिकारी कार्यालयात दुर्गंधीचा स्फोट!”

“हॉलमध्ये रांगोळी, बाहेर कचरा ढिग… पर्यावरण दिनाच्या दिवशीच लातूरच्या जिल्हाधिकारी कार्यालयात दुर्गंधीने नाक मुरडायला लावलं!”

“भव्य इमारत, झकपक हॉल… पण स्वच्छतेचं भंपक प्रदर्शन! जिल्हाधिकारी कार्यालयात कचऱ्याचा कळस पहायला मिळाला!”

“पर्यावरण दिन… आणि कचऱ्याच्या ढिगात गुदमरतं प्रशासनाचं खोटं वैभव!”

लातूर : जिल्हाधिकारी कार्यालयाच्या डीपीडीसी हॉलमध्ये नुकताच जागतिक पर्यावरण दिन मोठ्या धामधुमीत आणि जिल्हाधिकाऱ्यांच्या प्रमुख उपस्थितीत पार पडला. कार्यक्रमासाठी हॉलला चकचकीत सजवण्यात आलं, गेटसमोर सुंदर रांगोळ्यांनी पाहणाऱ्यांची मनं जिंकली… पण केवळ दहा-पंधरा फुटांवरचं वास्तव घाणेरडं चित्र मांडून गेलं!

दुसऱ्या गेटजवळ प्लास्टिकच्या पिशव्या, नाश्त्याचे खरकटे डबे आणि दुर्गंधीयुक्त कचरा सर्वांच्या नाकाला झणझणीत चपराक देत होता. पर्यावरण दिनाच्या दिवशीच!
एकीकडे ‘ग्रीन, स्वच्छ आणि सुंदर’चे गोडगोड भाषणं रंगली, आणि दुसरीकडे जिल्हाधिकारी कार्यालयाच्या हॉलच्या कडेला घानीचे साम्राज्य मांडलेलं दिसलं.

प्रश्न हा आहे की, नवीन भव्य जिल्हाधिकारी कार्यालय बार्शी रोडला हलवलं तेव्हा भौगोलिक विस्तार मोठा झाला; पण त्या प्रमाणात स्वच्छतेसाठी पुरेसा कर्मचारी वर्ग उपलब्ध करून दिला गेला का?
फक्त मुख्य हॉल झकपक ठेवून कार्यक्रमांचं ‘दिखावा प्रदर्शन’ करणं पुरेसं आहे का?
या नवीन इमारतीच्या पाठीमागे, पार्किंगमध्ये, हॉलच्या आजूबाजूला रोज कचराकोंडी आणि अस्वच्छतेची स्थिती कुणाच्या लक्षात आहे का?

“दिखावे पे मत जाओ, अपनी अकल लगाओ!”
या उक्तीचा साक्षात्कार लातूरच्या नागरिकांना प्रत्यक्ष पाहायला मिळाला.
जागतिक पर्यावरण दिनाच्या दिवशीच घानिचे हे चित्र पाहून लोकांनी संताप व्यक्त केला.

लातूरकरांचा सवाल आहे — आरसा फक्त पुढं दाखवायचा, मागं मात्र डोळे झाकून बसायचं का?
आजच्या दिवसापुरता का होईना — ‘पर्यावरण’ या शब्दाला खरं न्याय मिळावा म्हणून हा प्रश्न सर्वांच्या ऐरणीवर आणण्याचा हा प्रयत्न.

जिल्हाधिकारी कार्यालयाला याचा गांभीर्याने विचार करायलाच हवा… अन्यथा हे ‘दिखाव्याचं’ सोंग आणि सत्य लातूरकर पुन्हा-पुन्हा उघडं पाडतील!