रेणा कर्मचारी यांना 10 टक्के पगारवाढीची घोषणा..
दिलीपनगर निवाडा
रेणा सहकारी साखर कारखान्यातील गळीत हंगाम 2025-26 मधील उत्पादीत 4,21,111 व्या साखर पोत्याचे पुजन कारखान्याचे संस्थापक सहकार महर्षी माजी मंत्री मा.श्री. दिलीपरावजी देशमुख साहेब यांच्या शुभहस्ते व कारखान्याचे चेअरमन श्री. अनंतराव ठाकुर देशमुख, व्हा.चेअरमन श्री. ॲड. प्रवीण पाटील व इतर मान्यवरांच्या उपस्थितीमध्ये करण्यात आले.
सदर कार्यक्रमामध्ये कारखान्याचे कर्मचारी यांनी 87 दिवसात उत्तम गाळप केले असल्याने कारखान्यातील कर्मचारी यांना 10 % पगार वाढ करत असल्याचे कारखान्याचे संस्थापक सहकारमहर्षी मा.श्री. दिलीपरावजी देशमुख साहेब यांनी यावेळी जाहीर केले.
कारखान्याने चालु गळीत हंगामाचे गाळप दि. 18/11/2025 रोजी चालु झाले असुन कारखान्याने दि. 12/02/2026 अखेर 87 दिवसात कार्यक्षमतेचा पुरेपुर वापर करुन 4,07,775 मे.टन गाळप करुन बी हेवी मोलसेस व सिरप इथेनॉलसह सरासरी 11.93% साखर उताऱ्यासह 4,21,111 क्विंटल साखर उत्पादीत केली कारखान्याचे आसवाणी प्रकल्पही सुरु आहे यामध्ये 4924501 लिटर इथेनॉल उत्पादन व तसेच कारखान्याच्या सहविज निर्मिती प्रकल्पातुन 8448000 युनिटचे महावितरणा एक्सपोर्ट झाले असल्याची माहीती कारखान्याचे चेअरमन श्री. अनंतराव ठाकुर देशमुख यांनी दिली.
सदरील कार्यक्रमास लातूर जिल्हा मध्यवर्ती सहकारी बँकेचे व्हा.चेअरमन श्री. प्रमोद जाधव , कारखान्याचे माजी चेअरमन तथा संचालक यशवंतराव पाटील, साखर संघाचे मा.उपाध्यक्ष तथा संचालक आबासाहेब पाटील, धनराज देशमुख, संग्राम माटेकर, तुकाराम कोल्हे, तानाजी कांबळे, शंकरराव पाटील, गोविंद पाटील, रणजित पाटील, ,बालाजी हाके, श्री व सौ. वैशालीताई पंडीतराव माने, श्री व सौ. आमृताताई स्नेहलराव देशमुख, तज्ञ संचालक चंद्रचुड चव्हाण, नरसिंग इंगळे, कार्यलक्षी संचालक आण्णासाहेब पाटील, कार्यकारी संचालक बी.व्ही.मोरे शेतकरी सभासद व कारखान्यातील अधिकारी, कर्मचारी उपस्थित होते.
