महाराष्ट्रातील वाढत्या अनुसूचित जाती जमातीवरील अन्याय अत्याचारावर बंदी घाला
लातूर – चंद्रशेखर आझाद, भीम आर्मीचे संस्थापक आणि महाराष्ट्र आणि देशातील बहुजन समाजाच्या हितासाठी काम करणारे आझाद समाज पक्षाचे प्रमुख खा. भाई चंद्रशेखर आजाद आणि भीम आर्मीचे राष्ट्रीय अध्यक्ष भाई विनय रतन सिंह, या नेत्यांवर नुकतेच मथुरा आणि ओरिसा राज्यात सार्वजनिक कार्यक्रमात हल्ले झाले आहेत आणि जीवित आणि मालमत्तेची हानी करण्याचा प्रयत्न झाला आहे. यामुळे देशभरातील बहुजन समाजात संतापाचे वातावरण आहे.या आधीही खासदार चंद्रशेखर आझाद यांच्यावर प्राणघातक हल्ले झाले आहेत. त्यामुळे त्यांना पोलिस संरक्षण देण्यात आले होते. मात्र देशभरात बहुजन समाजाच्या हितासाठी सक्रियपणे काम करणारी भीम आर्मी ही सुरक्षेला अपयशी ठरली आहे.राष्ट्रीय अध्यक्ष मा. विनय रतन सिंग तसेच राष्ट्रीय सरचिटणीस श्री.अशोक कांबळे, जे महाराष्ट्रातून देशभरात कार्यरत आहेत, तेही भेदभाव करणाऱ्या समाजकंटक भावनांमुळे धोक्यात आले आहेत. या यासाठी भाई चंद्रशेखर आझाद यांना Z+ सुरक्षा प्रदान करण्यात यावी आणि भाई विनयरतन सिंग आणि अशोक कांबळे यांना कोणताही विलंब न लावता मजबूत सुरक्षा व्यवस्था प्रदान करण्यात यावी.महाराष्ट्रातील प्रत्येक जिल्ह्यात अनुसूचित जाती जमातींवर अन्याय, अत्याचाराच्या अनेक घटना घडत आहेत. त्यामुळे महाराष्ट्रातील जनतेमध्ये सरकारबद्दल प्रचंड रोष आहे.परभणी जिल्ह्यात राज्यघटनेचा अवमान करणाऱ्या आरोपींवर देशद्रोहाचा गुन्हा दाखल करून त्यांची नार्को टेस्ट करण्यात यावी.परभणी जिल्ह्यातील पोलिसांनी केलेल्या लाठीचार्जचे दृश्य मोबाईलमध्ये टिपलेल्या सोमनाथ सूर्यवंशी या सुशिक्षित तरुणाला परभणी कारागृहात जबरदस्तीने मारहाण करण्यात आली. त्यामुळे तुरुंगातच त्याचा मृत्यू झाला. आणि या सामाजिक कार्यकर्त्याचा पोलिसांच्या दडपशाहीत ह्रदयविकाराच्या झटक्याने मृत्यू झाला, या घटनेशी संबंधित सर्व संबंधित पोलीस अधिकारी व कर्मचारी यांना तात्काळ सेवेतून काढून टाकावे व खुनाचा गुन्हा दाखल करावा अशी मागणी भिम आर्मी च्या वतीने संबंध महाराष्ट्र भरातून जिल्हाधिकारी यांच्या मार्फत राष्ट्रपती यांच्या कडे करण्यात आली अशी माहिती भिम आर्मी चे मा.महाराष्ट्र प्रदेश संघटक तथा मराठवाडा निरीक्षक अक्षय धावारे यांनी दिली
