🪴🌿 लातूर जिल्हाधिकारी वर्षा ठाकूर-घुगे: विकासाच्या वाटचालीची प्रेरणादायी दोन वर्षे…!

‘‘इरादे जेव्हा प्रामाणिक असतात,
तेव्हा वाटचालही साकार होते,
हृदयात जर जनतेसाठी ओलावा असेल,
तर प्रशासनही आपुलकीचं होतं…!’’

अशाच ओलाव्याची, संकल्पाची आणि संवेदनशीलतेची जिवंत मूर्तिमा म्हणजे लातूरच्या जिल्हाधिकारी वर्षा ठाकूर-घुगे._

२ वर्षांपूर्वी २२ जुलै २०२३ रोजी लातूर जिल्ह्याच्या प्रशासकीय सूत्रांचे नेतृत्व स्वीकारल्यानंतर त्यांनी लातूरच्या विकासाचा एक अभिनव आणि भक्कम प्रवास सुरू केला. जिथे केवळ कागदावरील कामगिरी नाही, तर प्रत्यक्ष कृतीच्या माध्यमातून जिल्ह्याच्या दैनंदिन जीवनात झळकणारी सकारात्मकता दिसून आली.

महिला म्हणून नेतृत्व करताना त्यांनी सिद्ध केलं — “संधी दिली तर स्त्रिया दिशा देतात… आणि दिशा ठरवली तर परिवर्तन घडवत राहतात!”

🔹 प्रशासनाला दिली नवी दिशा…

सकाळी चार वाजता सुरू होणारा दिनक्रम, दैनंदिन जनसंपर्क, गावागावांतील समस्या थेट समजून घेणं आणि अधिकारी-कर्मचाऱ्यांना प्रेरणादायी नेतृत्व देणं — ही त्यांच्या कार्यशैलीची ठळक वैशिष्ट्यं!

त्यांनी ‘माझं लातूर – हरित लातूर’ उपक्रमाअंतर्गत अवघ्या दीड वर्षांत ३५ लाख वृक्षांची लागवड केली. ‘कॉफी विथ कलेक्टर’, मतदार जनजागृती, महारोजगार मेळावे, महासंस्कृती महोत्सव, नाट्य संमेलने, गाळमुक्त-गाळयुक्त अभियान, १०० दिवस सुधारणा कार्यक्रम यासारख्या उपक्रमांनी लातूर जिल्ह्याचा चेहरामोहरा बदलत गेला.

🔹 पुरस्कारांची यादी नव्हे, प्रेरणेची झुळूक…

त्यांच्या कामगिरीची पावती म्हणून मिळालेले पुरस्कार हे केवळ सन्मान नव्हे, तर त्यांच्या कार्यपद्धतीचा ठसा आहेत:

• मराठवाडा भूषण पुरस्कार २०२४ – प्रशासनातील ठसा उमटवणाऱ्या कार्यासाठी.
• राज्यस्तरीय उत्कृष्ट निवडणूक अधिकारी पुरस्कार २०२५ – लोकसभा निवडणुकीत प्रभावी नियोजनासाठी.
• स्कोच राष्ट्रीय पुरस्कार – दिव्यांगांसाठी उपक्रमशील कार्य.
• मानव विकास निर्देशांक पुरस्कार – लोकसत्ता यांच्यातर्फे.
• सैनिक कल्याण निधी सन्मान – महाराष्ट्र राज्यपालांच्या हस्ते.
• जिल्हा निर्देशांकामध्ये अव्वल स्थान – उपमुख्यमंत्री देवेंद्र फडणवीस यांच्या उपस्थितीत गौरव.

🔹 प्रशासकीयतेपेक्षा पुढे…

वर्षा ठाकूर-घुगे हे नाव केवळ प्रशासनाच्या चौकटीत बसत नाही. ते एक ब्रँड आहे – संवेदनशीलतेचा, कार्यक्षमतेचा, संवादाचा आणि परिवर्तनशील दृष्टिकोनाचा!

लातूर जिल्ह्याच्या इतिहासात प्रथमच अशा व्यापक पातळीवर योजनांची अंमलबजावणी, ठोस कार्यवाही आणि प्रभावी नेतृत्व दिसून आलं. त्यामुळेच आज त्यांच्या दोन वर्षांच्या कार्याचा एक नवसंजीवनी पर्व म्हणून गौरव केला जात आहे.

🌾 “स्वप्नं तेवढीच पाहा, जी तुम्हाला झोपेच्या बाहेर पडायला भाग पाडतील…”
या विचारांना कृतीत उतरवणाऱ्या जिल्हाधिकारी वर्षा ठाकूर-घुगे यांचं नेतृत्व हे लातूरच्या विकासप्रवासातील एक दीपस्तंभ आहे — उजळणारा, मार्ग दाखवणारा आणि अंतर्मुख करणारा!