💥 “जिवंत असतानाच मयत दाखवून प्रॉपर्टी हडप” – मुरुममधील शिक्षिकेचा कारनामा उघड!

सासू-सासरे आणि दिर जिवंत, तरीही ‘मयत’ दाखवून संपत्तीवर डल्ला; कोर्टाचा आदेशही धाब्यावर!

धाराशिव जिल्हा | प्रतिनिधी

उमरगा तालुक्यातील मुरुम (जि. धाराशिव) येथे सासू-सासरे आणि दिर जिवंत असताना त्यांनाच मृत दाखवून प्रॉपर्टी आपल्या नावावर करण्याचा धक्कादायक प्रकार उघड झाला आहे. हा प्रकार एक सामान्य व्यक्तीने नव्हे तर धाराशिव जिल्हा परिषदेच्या कन्या प्रशाला, मुरुम येथील शिक्षिका सुनीता जीवन रड्डे (सुनीता त्र्यंबक मिरगाळे) यांनी केल्याचा आरोप आहे.

या शिक्षिकेने स्वतःच्या पतीच्या मृत्यूनंतर बनावट कागदपत्रे सादर करून न्यायालयातून वारसा प्रमाणपत्र मिळवले आणि त्याच्या आधारे संपत्ती आपल्या नावावर घेतल्याचे उघड झाले आहे. विशेष म्हणजे या प्रकरणात शिक्षण विभाग आणि पोलिस यंत्रणा गप्प बसल्याने, या महिला शिक्षिकेने संपूर्ण व्यवहार “खरेदी” केला होता की काय, असा संशय स्थानिकांमध्ये व्यक्त केला जात आहे.

दरम्यान, या फसवणुकीनंतर मयत पतीच्या कुटुंबीयांनी थेट कोर्टाचा दरवाजा ठोठावला. संबंधित खटला मे. दिवाणी न्यायाधीश कनिष्ठ स्तर, उमरगा न्यायालयात दाखल करण्यात आला असून न्यायालयाने सुनिता रड्डे यांच्या बाजूने मिळालेले वारसा प्रमाणपत्र तत्काळ वापरास मज्जाव करणारा आदेश ९ मे २०२३ रोजी दिला आहे.

तरीदेखील, संबंधित शिक्षिका न्यायालयाच्या आदेशाकडे दुर्लक्ष करत असल्याचा आणि प्रॉपर्टीवरील हक्क सोडण्यास नकार देत असल्याचा गंभीर आरोप करण्यात आला आहे. या कृतीमुळे सासू शांताबाई मल्लिकार्जुन रड्डे यांना न्याय मिळण्यात अडथळे निर्माण झाले आहेत.

मयत जिवन मल्लिकार्जुन रड्डे यांचा मृत्यू १ जून २०२२ रोजी झाला. त्यानंतर सुनीता रड्डे, संकेत रड्डे आणि स्नेहन रड्डे यांनी दिवाणी किरकोळ अर्ज क्र. 210/2022 दाखल करून चुकीच्या पद्धतीने वारसा प्रमाणपत्र मिळवले. मात्र, मयताच्या आईच्या वतीने दिर विकास मल्लिकार्जुन रड्डे यांनी हरकत अर्ज दाखल करून बनावट कागदपत्रांचा पर्दाफाश केला आहे.

न्यायालयाने स्पष्ट आदेश दिल्यानंतरही संबंधित शिक्षिका तो आदेश पाळण्यास नकार देत असल्याने पोलीस प्रशासनाच्या भूमिकेवर प्रश्नचिन्ह निर्माण झाले आहे. स्थानिक नागरिकांमध्ये संतापाचे वातावरण असून, “पोलीस नेमके कोणाच्या बाजूने आहेत?” हा सवाल जोरात विचारला जात आहे.

⚖️ जनतेचा सवाल : न्यायालयाने आदेश दिला तर मग पोलिसांना कोण रोखतंय?

राज्यशासनाने या घटनेची सखोल चौकशी करून संबंधित शिक्षिकेवर शिस्तभंगाची कारवाई करावी, अशी मागणी न्यायप्रेमी वर्तुळातून होत आहे.
या घटनेने मुरुम परिसरातील शिक्षक समाज, पोलीस प्रशासन आणि न्यायव्यवस्थेवर गंभीर प्रश्नचिन्ह निर्माण केले आहे.