आकाशवाणी परभणी केंद्रावरून पोवाडा व लोकगीतांचे होणार ध्वनी प्रसारण
लातूर:(प्रतिनिधी)मराठवाड्याच्या खेड्यातील शाहीर महाराष्ट्राचा शाहीर झाला असून आकाशवाणी परभणी केंद्रावरून पोवाडा व लोकगीतांचे ध्वनी प्रसारण होणार आहे.शाहीर अशोक शिंदे आणि त्यांची टीमने आकाशवाणी परभणी केंद्रावर लोकसंगीत विभागा अंतर्गत दि. 01 डिसेंबर रोजी पोवाडे व लोकगीताची रेकॉडींग झाली आहे. त्यामध्ये 2 पोवाडे व 4 लोकगीताची निवड झाली आहे. त्याचे ध्वनी प्रसारण बुधवार दिनांक 17 डिसेंबर 2025 रोजी संध्याकाळी 6.15 वाजता व दि. 29/12/2025 रोजी संध्याकाळी 6.15 वाजता होणार आहे. शाहीर अशोक शिंदे हे 1972 पासून कला क्षेत्रात कार्यरत आहेत.ते विविध चित्रपटातील गीते, देवीचे गाणे, भजन, सोंगी भारुड यात भाग घेतला असून हा त्यांनी तीन अंकी नाटकात धनी माझ्या कुंकवाचा, हे गाव लय न्यार, शिवार माकला रक्ताने, पुढाऱ्याचा गावगुंडी तिढा, पोर फाकडी हजार लफडी, सख्खे भाऊ पक्के वैरी, हॅलो मी चेअरमन बोलतोय भाग घेतला आहे.1991 मध्ये सर्व-धर्म-समभाव कला मंडळाची स्थापन करून शासनाच्या प्रौढ शिक्षण अभियानात सक्रिय सहभाग, हुंडाबळी, व्यसनमुक्ती, व्यसन निर्मुलन, वृक्षारोपन कुटूंब नियोजन,पल्स पोलीओ या विषयावर काम केले आहे.
1994 मध्ये आकाशवाणी औरंगाबाद केंद्राच्या उच्च केंद्रीय समितीने विविध गीत पोवाडयाची व कलागुणांची संगीतासह परीक्षा घेवून सर्व धर्म सम भाव हे कला मंडळ पास झाले असून 2003 पर्यंत औरंगाबाद केंद्रावर गीत, पोवाडे सादर करण्यात आले. 2003 रोजी आकाशवाणी परभणी केंद्र स्वतंत्र निर्माण झाले त्याला लातूर जिल्हा जोडण्यात आला तेंव्हापासून आजतागायत आकाशवाणी परभणी केंद्रावर गायन चालू आहे. या कालावधीत 60 विषयावर 60 पोवाडे व 184 विविध लोकगीते त्यांनी सादर केले आहेत.
आकाशवाणी परभणी केंद्र लोकसंगीत विभागा अंतर्गत दि.1डिसेंबर 2025 रोजी रेकॉर्डिंग झाली असून ध्वनी प्रसारण दि.17डिसेंबर 2025 रोजी संध्याकाळी 6.15 वाजता व दि. 29/12/2025 रोजी संध्याकाळी 6.15 वाजता होणार आहे. शाहीर अशोक शिंदे यांना
साथ-संगत नामांकित कलावंत ढोलकी वादक – शंकर पांचाळ, संगीत मास्टर चांगदेव शिंदे, तुंनतुंने वादक – श्री. आदमाने, कोरस – सुशिलाबाई रणदिवे, टाळवादक प्रल्हाद पुरी हे देणार आहेत.
