**लातूर महावितरणमध्ये ‘लाईट’सारखाच कारभारही अनियमित?
सहाय्यक अभियंता ज्योती निर्फळ कार्यालयात वेळेवर कधी येणार, असा सवाल**
लातूर | प्रतिनिधी
लातूर शहरातील महावितरणचा वीजपुरवठा जितका अनिश्चित, तितकाच अनिश्चित कारभारही असल्याची तीव्र चर्चा सध्या महावितरण परिसरात रंगू लागली आहे. याचे प्रमुख कारण म्हणजे कनिष्ठ/सहाय्यक अभियंता ज्योती निर्फळ यांच्या कार्यालयीन वेळेबाबत निर्माण झालेली नाराजी.
महावितरण कार्यालयात त्या वेळेवर उपस्थित राहत नसल्याच्या तक्रारी वारंवार समोर येत असून, त्यांच्या अनुपस्थितीत संपूर्ण कामकाज ‘रामभरोसे’ सुरू असल्याचा आरोप कर्मचारी व कंत्राटदारांकडून केला जात आहे.
🔥 कागदपत्रे वेळेवर, पण तपासणी नाही?
सुशिक्षित बेरोजगार अभियंते व स्थानिक कामगारांनी महावितरणकडे नियमाप्रमाणे कामासाठी अर्ज करून, आवश्यक कागदपत्रे वेळेत सादर केल्याचे सांगितले जाते. मात्र, ही कागदपत्रे तपासण्यासाठी संबंधित सहाय्यक अभियंता कार्यालयातच नसतात, अशी तक्रार करण्यात येत आहे.
कार्यालयीन कर्मचाऱ्यांकडून “मॅडम सरकारी कामासाठी गेल्या आहेत” असे सांगून वेळ मारून नेली जात असल्याचाही आरोप काही तक्रारदारांकडून होत आहे.
⚠️ ‘सेटिंग’च्या चर्चेने खळबळ
दरम्यान, महावितरण परिसरात घरच्याच व ओळखीच्या गुत्तेदारांना कामे मिळत असल्याची कथित चर्चा जोर धरू लागली आहे. काहींच्या म्हणण्यानुसार, विशिष्ट कामांसाठी मात्र संबंधित अभियंता दुपारच्या सुमारास कार्यालयात हजर राहतात, अशी चर्चा दबक्या आवाजात होत आहे.
❓ वरिष्ठ अधिकारी मौन का?
या संपूर्ण प्रकाराबाबत महावितरणच्या वरिष्ठ अधिकाऱ्यांनी अद्याप ठोस भूमिका घेतलेली नाही.
कार्यालयीन शिस्त मोडली जात असेल तर कारवाई कधी होणार?
सामान्य अभियंते व कामगारांचा हा त्रास कधी संपणार?
असे सवाल उपस्थित केले जात आहेत.
📢 संतप्त प्रतिक्रिया
“नियम आमच्यासाठी आणि सवलत काही ठराविकांसाठी?” असा थेट प्रश्न विचारत, महावितरणच्या कारभाराविरोधात संतप्त प्रतिक्रिया व्यक्त होत आहेत.
🔴 महावितरण प्रशासन याकडे लक्ष देणार का, की हा ‘लेट लतीफ’ कारभार असाच चालू राहणार?
लातूरकरांच्या नजरा आता वरिष्ठ अधिकाऱ्यांच्या भूमिकेकडे लागल्या आहेत.
