लातुर शहरात महानगरपालिका निवडणुकीच्या अनुषंगाने दि.१४/०१/२०२६ रोजी सकाळी ०७.०० ते १५.०० वाजेपर्यंत मतपेटी घेऊन बुथवर जाणे व दि.१५/०१/२०२६ रोजी संध्याकाळी १८.०० ते २४.०० वाजेपर्यंत मतपेटी बुथवरुन आणुन जमा करणे तसेच दि.१६/०१/२०२६ रोजी सकाळी ०७.०० ते मतमोजणी संपेपर्यंत या तिन्ही निवडणुक प्रक्रीया महिला तंत्रनिकेतन, बार्शी रोड, लातूर येथे होणार आहेत. त्यामुळे जनतेच्या सोयीच्या व सुरक्षीततेच्या दृष्टीने लातूर शहरातील खालील मार्गावर वाहतुक बंद करणे व पर्यायी मार्गाने वळविणे आवश्यक आहे.लोकांच्या दैनंदीन कामकाजानिमीत्त व दळणवळणानिमीत्त त्यांना विविक्षीत ठिकाणी पोहचणे निकडीचे असते, सदरच्या अडचणी लक्षात घेता सदर भागातुन वाहतुक बंद करणे व वाहतुक वळविणे आवश्यक आहे.
दिनांक १४/०१/२०२६ रोजी ०७.०० ते १५.०० वाजेपावेतो, दिनांक १५/०१/२०२६ रोजी १८.०० ते २४.०० वाजेपावेतो व दिनांक १६/०१/२०२६ रोजी ०७.०० ते मतमोजणी संपेपर्यंत मुख्य बार्शी रोडवरील पिव्हीआर चौक ते बिडवे इंजिनिअरिंग कॉलेज पर्यंतचा रस्ता हा सर्व प्रकारच्या वाहनांना (मोटार सायकल, थ्री व्हीलर, एस.टी.बसेस, ट्रक, टॅम्पो, टॅक्सी, ट्रॅव्हल्स, मिनीडोअर इ.) वाहतुकीसाठी बंद करण्यात येत आहे.
तरी जनतेने खालील पर्यायी मार्गाचा अवलंब करावा :-
१) पी.व्ही.आर चौकातुन मुरुड-बार्शी कडे जाणारे सर्व प्रकारच्या वाहनांना (मोटार सायकल, थ्री व्हीलर, एस.टी.बसेस, ट्रक, टॅम्पो, टॅक्सी, ट्रॅव्हल्स, मिनीडोअर इ.) मुख्य बार्शी रोड वाहतुकीसाठी बंद करण्यात येत असून त्यांना पर्यायी मार्ग म्हणून पी.व्ही.आर.चौकातुन जुने रेल्वे लाईनच्या पॅरलल रोडकडे वळून जुने रेल्वे लाईनच्या पॅरलल रोडने मुरुड-बार्शीकडे जाण्यासाठीच्या मार्गाचा वापर करतील.
२) पी.व्ही.आर चौकातून फक्त मतमोजणी अधिकारी व कर्मचारी यांचीच वाहने मुख्य बार्शी रोडवरुन मा.जिल्हाधिकारी कार्यालय मधील पार्किंग कडे जातील.
३) निवडणुक निर्णय अधिकारी,सहा.निवडणुक निर्णय अधिकारी, मा.जिल्हाधिकारी, मा. पोलीस अधिक्षक व मा.मनपा आयुक्त यांची वाहने महिला तंत्रनिकेतन येथील मतमोजणी ठिकाणी जातील.
४) बार्शी व मुरुड कडून लातूर शहरात येणाया सर्व प्रकारच्या वाहनांना (मोटार सायकल, थ्री व्हीलर, एस.टी.बसेस, ट्रक, टॅम्पो, टॅक्सी, ट्रॅव्हल्स, मिनीडोअर इ.) मुख्य बार्शी रोड वाहतुकीसाठी बंद करण्यात येत असून त्यांना पर्यायी मार्ग म्हणून बिडवे इंजिनिअरिंग कॉलेज येथून जुने रेल्वे लाईनच्या पॅरलल रोडकडे वळून पॅरलल रोडने पी.व्ही.आर चौक किंवा औसा कडील रिंग रोडला जाण्यासाठीच्या मार्गाचा वापर करतील.
तरी सर्व नागरिकांनी दि.१४/०१/२०२६ रोजी सकाळी ०७.०० ते १५.०० वाजेपर्यंत व दि.१५/०१/२०२६ रोजी संध्याकाळी १८.०० ते २४.०० वाजेपर्यंत तसेच दि.१६/०१/२०२६ रोजी सकाळी ०७.०० ते मतमोजणी संपेपर्यंत वाहतुकीसाठी बंद असलेल्या मार्गावर वाहनांचा वापर टाळावा व पर्यायीमार्गाचा वापर करुन प्रशासनास सहकार्य करावे.
