लातूर – लातूर महापालिकेचे आयुक्त बाबासाहेब मनोरे यांची प्रकृती खालावल्यानंतर त्यांना तातडीने विमानाने मुंबईला उपचारासाठी हलवण्यात आले आहे. सध्या त्यांच्यावर मुंबईतील एका नामांकित रुग्णालयात पुढील वैद्यकीय उपचार सुरू करण्यात येणार आहेत.
प्राथमिक माहितीनुसार, मनोरे यांना मागील काही दिवसांपासून त्रास जाणवत होता. स्थानिक डॉक्टरांच्या सल्ल्यानुसार त्यांना तत्काळ विशेष उपचारासाठी मुंबई येथे हलवण्याचा निर्णय घेण्यात आला. लातूर विमानतळावरून त्यांना एअर अँब्युलन्सने मुंबईकडे रवाना करण्यात आले.
महापालिकेतील अधिकारी व कर्मचाऱ्यांत काळजीचे वातावरण पसरले असून, लवकरच त्यांची प्रकृती स्थिर होवो, अशी प्रार्थना सर्वत्र केली जात आहे.
