पर्यटन-आतिथ्य क्षेत्राला मिळणार चालना
लातूर फेब्रुवारी 2026: मराठवाड्यातील वेगाने विकसित होत असलेल्या लातूर शहराच्या पर्यटन व हॉस्पिटॅलिटी क्षेत्राला चालना देत ‘एनराइज बाय सयाजी’ या आधुनिक बिझनेस हॉटेलचे ओल्ड एमआयडीसी परिसरात उद्घाटन झाले आहे. औद्योगिक, व्यावसायिक तसेच सामाजिक कार्यक्रमांच्या वाढत्या गरजा लक्षात घेऊन हे हॉटेल विकसित करण्यात आले आहे.
30 खोल्यांचे हे हॉटेल व्यावसायिक प्रवासी, पर्यटक आणि कार्यक्रमांसाठी लातूरमध्ये येणाऱ्या पाहुण्यांसाठी आरामदायी व समकालीन अनुभव देणारे आहे. डिलक्स, एक्झिक्युटिव्ह आणि प्रीमियम एक्झिक्युटिव्ह अशा तीन श्रेणींतील खोल्या आधुनिक सुविधांनी सुसज्ज आहेत. याशिवाय, चार प्रशस्त बँक्वेट हॉल्समुळे परिषद, विवाहसोहळे, कॉर्पोरेट मीटिंग्स आणि सामाजिक कार्यक्रमांसाठी एक दर्जेदार पर्याय उपलब्ध झाला आहे.
हॉटेलमधील ‘मोमेंट्ट’ आणि ‘होरायझन’ ही मल्टी-क्युजिन रेस्टॉरंट्स स्थानिक व आंतरराष्ट्रीय चवींचा अनुभव देत लातूरच्या खाद्यपर्यटनात भर घालतात. रेल्वे स्थानकाजवळील स्थान आणि प्रमुख औद्योगिक भागांशी असलेली उत्तम जोडणी यामुळे हे हॉटेल पर्यटन व व्यावसायिक प्रवासासाठी सोयीचे ठरत आहे.
“लातूर हे उच्च क्षमतेचे उदयोन्मुख बाजारपेठ असून, येथील विकसित होत असलेल्या आतिथ्य गरजा लक्षात घेऊन ‘एनराइज बाय सयाजी’ ची रचना करण्यात आली आहे,” असे अजय कनोजिया, असोसिएट जनरल मॅनेजर, सयाजी हॉटेल्स यांनी सांगितले.
तर, “लातूरच्या व्यापारी व औद्योगिक वाढीमुळे दर्जेदार हॉस्पिटॅलिटी सुविधांची गरज वाढली असून सयाजी हॉटेल्ससोबतच्या भागीदारीतून शहरात जागतिक दर्जाच्या सेवा आणता आल्या,” असे मयूर गर्जे, व्यवस्थापकीय संचालक, गर्जे सोलर इन्फ्रा यांनी नमूद केले.
‘एनराइज बाय सयाजी’मुळे लातूर शहर पर्यटन, व्यवसाय आणि कार्यक्रमांचे नवे केंद्र म्हणून अधिक सक्षमपणे पुढे येईल, असा विश्वास व्यक्त केला जात आहे.
