
लातूर- येथील श्रीराम गल्ली भागातील पुरातन श्रीराम मंदिराच्या जिर्णोध्दारच्या कामाचा शुभारंभ राम नवमीच्या दिवशी महापालिकेतील विरोधीपक्ष नेते देवीदास काळे, भाजपाचे शहराध्यक्ष अजित पाटील कव्हेकर यांच्या उपस्थितीत करण्यात आला.
श्रीराम मंदिराचे बांधकाम हे जुने झाले आहे. काळानुरुप त्यात दुरुस्ती करणे, बदल करणे गरजेचे झाल्यामुळे श्रीराम मंदिर संस्थानच्या विश्वस्तानी लोकसहभागातुन जिर्णोध्दार करण्याचा निर्णय घेतला आहे.भाविकांच्या सोयीसाठी अत्यावश्यक सोयी सुविधा असलेल मंदिर निर्माण करण्यासाठी श्रीराम मंदिराचे भक्तांनी पुढाकार घेतला आहे. श्रीराम मंदिर संस्थानचे अध्यक्ष योगेश उन्हाळे यांनी मंदिराच्या जिर्णोध्दाराची गरज आणि लागणार्या निधीची माहिती दिली आणि सर्वानी सढळ हस्ते मदत करण्याच काम केल. यावेळी देवीदास काळे आणि अजित पाटील कव्हेकर यांनी श्रीराम नवमी ही लक्षात राहणारी ठरेल रामभक्तांसाठी नव्या स्वरुपात मंदिर उभारणी कामात आम्ही सहकार्य करु असे अश्वासन दिल. यावेळी संस्थानचे विश्वस्त अनिल बर्दापुरकर, बंडोपंत कुलकर्णी, आर डी जोशी, प्रकाश जोशी, दिनकर प्रयाग, श्यामराव महापुरकर, बाळा जोशी आदिनी कुदळ मारुन कामाची सुरुवात केली. संस्थानचे सचिव राजन आयाचित यांनी मान्यवरांचे यथोचित स्वागत आणि सत्कार करुन आभार व्यक्त केले. विष्णुदेव पाठक यांनी पौरोहित्य केल.
