🌳🌿 ट्री मॅन सुपर्ण जगताप यांना वाढदिवसाच्या आभाळभर शुभेच्छा! 🌿🌳

बालवयात आपले आई-वडील हेच आदर्श असतात. पण काहीजण त्या आदर्शाला नवा आयाम देतात, स्वतःच्या आयुष्याने समाजालाही दिशा देतात.
सुपर्ण जगताप यांची हीच कथा आहे — निसर्गाला जिवाभावाने जोडलेली, जीवनाशी बांधलेली.

समाजशास्त्राचे प्राध्यापक असलेले वडील मुलाला देशाटनासाठी पाठवतात. तरुण वयात देश पाहताना, माणसे-निसर्ग यांचे नाते समजावून घेताना, सुपर्ण जगताप यांनी आयुष्याचे प्रत्येक क्षणाचे धडे आत्मसात केले.

प्राँझ टेक्निशियन म्हणून देशभर नाव कमावलेल्या सुपर्ण यांना एक मोठा वैयक्तिक धक्का बसतो. तेव्हा स्वतःला घरात बंदिस्त करतात. पण निसर्गाच्या कुशीत शिरताना नवीन उर्जा, नवचैतन्य मिळते.

येडशीच्या जंगलातून फिरताना वृक्षांना मिठी मारून संवाद साधणाऱ्या या मनाने एक दिवस ठरवले — “निसर्गाने मला उभारी दिली, आता मी समाजाला निसर्गाशी नाते जोडण्याची शिकवण देणार.“
तेव्हापासून “वृक्ष हेच जीवन” या तत्त्वाने काम सुरू झाले.

या प्रवासाला सयाजी शिंदे यांच्या सह्याद्री देवराई या उपक्रमाची साथ मिळाली आणि मग सुरू झाला एक अविरत हरित प्रवास.

आज संपूर्ण महाराष्ट्र, देशभरात “ट्री मॅन सुपर्ण जगताप” म्हणून ओळख निर्माण झाली आहे.
ग्रामीण भागातील गरिबीशी झुंजणाऱ्या शेतकरी, तरुण, गावकऱ्यांना सोबत घेऊन बीजसंग्रहापासून वृक्षनिर्मिती आणि रोपलागवडीचा एक मोठा चळवळीचा ध्यास त्यांनी घेतला आहे.

यासाठी त्यांना “समाजाचे दीपस्तंभ” म्हणून सकाळ समूहाचा सन्मान मिळाला आहे.
ते म्हणतात : “हा सन्मान माझा नाही, तो झाडांचा आहे, जे हजारो लाखो वर्षांपासून माणसांना अन्न, औषध आणि प्राणवायू देत आहेत.“

🌳 सह्याद्री देवराई लातूर हा प्रकल्प म्हणजे त्याच ध्यासाचे मूर्त स्वरूप आहे.
रामवाडी, झरी, जानवळ, महाळंगी या पंचक्रोशीतील गावकरी, वन विभाग यांच्या सहकार्याने बोडक्या डोंगरांवर आज हिरवे स्वप्न साकारले आहे.

👉 ४५ हजार ते ५० हजार स्थानिक प्रजातींची झाडे, झुडपे, गवत यांचे अधिवास निर्माण करण्यात आले आहेत.
👉 बीज संकलन मोहीम, शालेय मुलांसाठी “चला सावली पेरूया” उपक्रम, निसर्गशाळा, वृक्षप्रसाद अभियान — अशा विविध मार्गांनी हा कार्यधारा तरुण पिढीला निसर्गाशी बांधून ठेवते.

👉 आत्तापर्यंत महाराष्ट्रात व इतरत्र ४० देवराया उभ्या केल्या आहेत, लवकरच त्या ६० होतील.
👉 दरवर्षी लातूरच्या डोंगरांवर नववर्षाची पहाट वृक्षारोपणाने साजरी होते.
👉 या उपक्रमाला सयाजी शिंदे, मंत्री, अधिकारी, लंडन युनिव्हर्सिटी, टाटा सोशल इन्स्टिट्यूट यांचीही भेट व पाठिंबा लाभलेला आहे.

सुपर्ण जगताप यांचे हे कार्य म्हणजे एक माणूस झाडांच्या रुपाने हजारो जीवांना जीवन देतोय, हे जगण्याचेच महान उदाहरण आहे.
त्यांच्या शब्दांत सांगायचे झाले तर :

“झाड लावले, कार्य केले याचा अहंकार नको — ही सद्बुद्धी कायम मिळो.” 🙏

पर्यावरणाची लढाई ही एका माणसाची नाही, ती संपूर्ण समाजाची आहे.
आज त्यांच्या वाढदिवसाच्या निमित्ताने आपण सर्वांनी या हरित स्वप्नाला हातभार लावूया.

🌳 ट्री मॅन सुपर्ण जगताप यांना वाढदिवसाच्या आभाळभर शुभेच्छा! 🌳
आपल्या कार्याचा वटवृक्ष अशीच सावली देशभर पसरू द्या…! 🙏🎉🌿

लेखक – दिपरत्न निलंगेकर संपादक दैनिक युतीचक्र